2022-2023 Prinsenpaar

Prinses Nicky I (Broers-Lammers) & Prins Jeroen

Goeiendâg allemaol!

Dae is wer ‘s wa ánders! Dae ‘n Geit as urste wurd genuumd.Degenen die ós kinnen, hân dae nè ânders verwâcht, deenk ich. En ich bin blij dae Jeroen ’t wel zâg zitten, zoedae ich hiê nè allieën hoef te staon!Willie zullen ós ‘s ff veurstellen. Ich bin Nicky Broers (mechjesnâm Lammers), dôchter van Harrie van Wim van Tinussen en Nel Tiês, oet de Buulderbosch. En de jóngste van de drei kinder. Mien bruur Ruud kunde kinnen van ‘t Kos Koijer, óch is ie unne kier Adjudant van de Heiknuuters gewist en now zit ie zêlfs bie de Raod in Dorplein. En mien zus Else is óch zeker un bekinde in de Carnavalswèreld. Zéker nao ‘t veurige Preensenbal en de Zittingen, die ze mej gröte klasse vur d’n urste kier hâw gepresenteerd. Al 18 jaor bin ich sâmen (wo van 9 jaor getrowd) mej Jeroen Broers, zooën van Jèn en Mietje oet de Zwijgerstraot. Hij hit ieën zus, Loes. Ze wónt twieë deuren vêrder bie ós in ‘t awwerlijk hoês van de familie Broers. Dae is hieël gezellig en ós jóng vinnen dae wel hêndig. Willie hêmmen drei jóng: Nienke van dêrtien, Sepp van tiên en Jur van zês jaor âwd. Dór de wêk henne loeëpen biê ós nog ‘n aontal klenner jóng roond, ich bin namelijk gastouder. Dus ich vermâk kinder tot veer jaor âwd en ich zörg er óch nog veur.Jeroen is mier van de cijferkes, hij is dâgelijks in de weer mej van die blauw breef. Iemund moet dae doeën, hè!
Veul meensen kinnen mich wel van ieën of ânder clubke: de herremenie van Buul, kindervakantiewerk Buul, ouderraad De Boogurt, burtverieëniging ‘t Tipke, schmink/ballonnenclown op festjes, achter de bar bie de Borgh en nuumt maer op. Ich bin altiêd wel bezig, bânkhangen is nè zoe vur meech weggelegd. Jeroen is trèner bie de voetbalteams van ós jongens, spult zêlf bie de veteranen én zit in ’t jeugdbestuur van SV Buul. Daoneffe is hij óch altiêd inzetbaar as vrijwilliger bie ieën van mien hobbys. En neturluk kunde ós kinnen van de Carnaval. Jeroen hit 22 jaor mejgeloeëpen mej ozze groep cv de Zuipschuiten. Ich zit er iets minder langbiê, maer nè minder fanatiek. Willie zien in 2020 gestopt as loeëpgroep, maer we zien wel van plan um te zörgen dae de kinder mej bliêven doeën in d’n Optocht.
Misschien kunde ós nog vur de gest haolen mej Piraterij, Willie hêmme mot, Waorzeggers of Moj wèèr speulen. Hartstikke schón jaoren hêmmen willie gehad mej ós clubke en óch nog ‘s schón priêzen gewonnen. Ozzen Adjudant is neturluk Bart. As veurige Preens is dees rol op zien liêf geschreven. En ozze ândere Adjudant is mien zus Else. Dae was metieën duudeluk vur meech. Willie hêmmen sâmen hieël veul op mej de Carnaval. En nè te vergèten, Ingrid en Jürgen zullen neturluk óch regelmatig mej ós mej gaon.Ze hêmmen ós allemaol al kei goe geholpen de afgeloeëpen wèken. Willie zien now al hartstikke blij mej hun aon ós zijde. En dae geldt óch vur ós Vorsten Jack en Joost neturluk!

Eindelijk was ‘t zoevaer, 11-11-2022, ós bekendmâking!Nao anderhalf jaor ozze moond hawwen was de spanning bie ós ontzéttend hoeëg. Nog effe unne borrel vur we ‘t podium op gaon…en knallen! Mej ós leejke en ós paekskes stonnen willie in ‘n volle zaol te genieten. Superbedânkt Knoterbèhren, Bart Coppens en Gerda de Greef!
En wá was iederieën verrâst!
Zêlfs ós jóngens en awwers wisten nè wa er te gebeuren stoond.’t Was ‘n superweekend!
Willie hêmmen unne goeie start gemâkt en gôn er mej iederieën ‘n geweldig seizoen van mâken onder ozze leus:

"ALLE VUUT VAN DE VLOER, MEJ UN GEIT AON UT ROER!"
 

Onderscheiding Prinsenpaar 2023