2014-2015 Prins Frank II
EFFE VEURSTELLEN
‘t Was eind mei, hieël laot op d’n aovund. De telefooën geenk. Moosje! Of ich eff tiêd hâw um bie de veurzitter langs te komen. Dao zaot de complieëte Preensencommissie vur hun urste vergaodering van ‘t seizoen. Ze vrogen of ich ‘t kienen over zou willen nemen van Truus Zappe. Ich zeei: “Haaje gillie mich dao veur laoten komen?” Eff laoter vertelde Erik van Ham dae ‘t ‘n grap was en kwâmp de gröte vraog of Paula en eech ‘t neej preensenpaar van De Buulder Buk zôn willen woren. Paula zeei mej: “Dae gôn we doeën, maer eech wél op de âchtergroond!” Ich zêlf hâw wa mier bedeenktiêd noeëdig. Maer nao zoe’ne dâg of viêf was ich er wel oêt: Me de steun van Paula, goi ich ‘t dit jaor mâken as Preens van De Buulder Buk!
Vur diegene die mich ni kennen, ich bin Frank de Haas, 30 jaor, geboren en getogen in Buul. De mesten kennen mich as ‘Haasje’. Ich bin unne zooën van Henk de Haas (†) en Maria de Haas, brurke van Martijn en Susanne.
Sins 2010 woon ich sâmen me Paula Koolen in de Pinksterbloem in Buul. In ‘t dâgelijkse lèven bin ich werkzaam bie Rabobank Weerterland en Cranendonck wo ich mich me name bezig hâw me advies aen klânten die in Bêls wonen of gôn wonen. Boeten mien werk voetbal ich in ‘t twedde elftal van Rood-Wit ‘67/Nyrstar, bin ich penningmeester van burtverieëniging ’t Bösselke, bin ich sins 2010 lid van de Raod van Elf en zet ich mich in vur diverse activiteiten van De Buulder Buk. Paula werkt as juf op basisschool St. Joan in Zurrik en besteejt dao biê veul tiêd aen hur gröte hobby perd riejen.
Carnavalservaring hêmmen willie allebei genóg! Paula bij CV de Jeugdbuk en ich zêlf urst bie c.v. de Kroekestöpkes en dao nao sâmen bie c.v. de Losbollen, wo willie unne geweldige tiêd hêmmen gehad me fantastische priêzen.
Carnaval zit er bie ós dan óch al jaoren goe in!
Ich hoop dae we ‘n grandioos carnavalsseizoen tegemoet gôn. Sâmen me Paula, Vorst Tjeu en Adjudanten Roel en Jean-Pierre, Jeugdprins Jori en Jeugdprinses Pascalle, de Raod van Elf en hun dames, ‘t bestuur, familie, vrienden en alle Buk en Getjes. Dit alles ónder miene leus:
KOMT MEJ DEES DÂG ALLEMAOL VAN DE BANK
EN KOMT KNALLEN ME PRINS FRANK!
BUUL ALAAF!
