2023-2024 Prinsenpaar

Prins Tommy d’n Urste en Prinses Resy

Dao stön willie dan….
Erlijk gezigd hân willie nöit verwâcht op dees pagina van ‘t Bokkenblaaike te
komen staon en de meensen um ós henne waorschienlijk óch neet. Maer wa is ‘t
leuk en spannend, de veurpret was al super en wa hêmmen willie zin um er
sâmen mej ullie allemaol ‘n geweldig Carnavalsseizoen van te mâken! Vur
diegenen die ós nog neet kennen zullen willie ós effe veurstellen.
Ich ben Tommy van den Dungen, zooën van Frâns en Wilhelmien van den
Dungen, geboren en opgegruid in Gâstel en sinds mien 18 e woonaechtig in
Buul. Mien awwers wâren fanatieke carnavalsvierders en hêmmen jaoren bie de
Raod van Elf in Gâstel gezèten. Van klens âf aon hêb ich mejgedaon mej de
optochten en ander Carnavalsevenementen zoeas de playbackshow.
Midden jaoren ’90 bin ich lid geworen van cv de Plekkers, ‘t festen geenk mich
goe âf, maer mej mien 2 leenkerhân was mien rol bie de bouw minimaal (ich zal
‘t zêlf maer zeggen). Eind jaoren ’90 bin ik bie de Bout in Zurrik gôn werken.
Wa vur unne geweldige tiêd hêmmen willie dao gehad, zoewel veur as âchter de
bar en tijdens de optochten mej Nè Lullen! ‘n Umgèving wo veul herinneringen
zien gemakt en vriendschappen zien ontstaon! Dae is óch de plak wo ich mien
vrouw Resy vur ‘t urst zâg en van ’t ieën kumt ‘t ânder.
Voetbal is mien passie, van klens âf aon bin ich mej unne bal bezig. Begonnen
bie Gâstel Vooruit en vervolgens nog gespuld vur FC Craonendoonck en SV
Buul. Op dit momeent speul ich nog âf en tow in ‘t 4 e van SV Buul en bin ich de
helle zaoterig op paod mej de jeugd Onder12 en Onder15. Daoneffe speul ich
nog gèr ‘n pötje tennis en padel en dae kumt óch allemaol terug in mien werk.
Ich werk bie Kragten, wo ich dór ‘t hieël lând moi sportprojecten begeleid mej
‘t doel um meensen aon ‘t bewegen te kriêgen in de boêtenruumte. Dit
Carnavalsavontuur goi ich gelukkig sâmen aon mej mien vrouw Resy.
Ich bin Resy, ‘n dôchter van Jos Lammers en Ankie Vlassak-Lammers oet de
Buulderbosch. Ich hêb 2 zusjes. Marit, die woont al 4 jaor op Bonaire, maer
kumt regelmatig nog richting Buul um gezellige dingen mej ós gezin te
ondernemen. Sena, de jóngste van de 3, die woont gezellig neffe ós mej hurre
vriend Bram Kuppens en hun dochtertje Nové.
Ich bin van klens âf aon besmet mej ‘t Carnavalsvirus, pap en mam zien lid van

cv Onbesnut, wo ich uiteraard mej deei in de optochten en op laotere leftiêd bin
ich lid geworen van cv de Jeugdbuk, wo mej ich veul optochten hêb geloeëpen
en fesjes hêb gevierd. Neffe de optochten was ich óch sâmen mej mien
vriendinnen as dânsgroep te zeen op zoewel de Kinderbontemiddag as de
Zitting. Vanâf ‘t momeent dae willie kinder hêmmen gekregen vieren willie
sâmen mej ‘t gezin Carnaval! Ich werk as kinderfysiotherapeute en
zwangerfitdocente bie Praktijk voor Fysiotherapie Lammers en Hompes in ‘t
centrum van Buul.
Willie hêmmen 3 kinder, Fabe van 13, Ferre van 11 en Loïs van 8. Loïs dânst
bie Mikky Martens en hit al ‘n aontal optredens gedaon tijdens Carnavals
Zittingen. Fabe en Ferre hêmmen al ‘n aontal jaor ‘n eigen Carnavalsgroep.
Fabe is lid van cv de Flappies en Ferre van cv de Koekemarello’s. Moi um te
zeen hoe dees groepen de âfgeloeëpen jaor bouwen, plezeer mâken en sâmen
mej duun aon verschillende optochten binnen de gemente Craonendoonck, de
jeugd hit de toekomst! En dae is iets wo willie hieël veul energie oêthaolen, de
jeugd! Resy is kinderfysiotherapeute en actief betrokken bie basisschool De
Boogurt en ich bin mierdere aovunden in de wèk te vinnen op de vêlden van SV
Buul um de jeugd te trainen.
Willie hawwen van lêkker èten en dreenken en genieten van de uitjes mej
vrienden en familie. Wannier er ‘n fesje of evenement is binnen de gemente
Craonendoonck dan zien willie dao mestal wel te vinnen.
Carnaval 2024!
Now wedde gillie al iets mier over ós, maer degene die ós goe kennen zullen
toch wel deenken…Tommy en Resy, Preens en Prinses? Dae hân willie nöit
verwâcht.
Zoeas ich al zeei, willie eigenlijk óch neet tot ‘t momeent dae Jack Hendriks
mich vroêg, tijdens unne trainingsaovund bie SV Buul, of ich er ‘s over nao
wou deenken um veurop te gaon. Ich was nog neet hellemaol wakker en dâcht
dae hij mich vroêg um komende zondig mej de veteranen mej te doeën….
maer de vraog lâg toch nêt ff iets ânders. Verierd en mej wa kriebels in miene
boek geenk ik richting hoês en vertelde tegen Resy wa er was gebeurd….’t bleef
effe stil, maer óch bie heur ‘t zêlfde gevuul. Nao ‘n wèk mej wa kriebels te
hêmmen roondgeloeëpen, ‘t is dan pas half mei en ‘t urste gesprek te hêmmen
gevoerd mej ‘n delegatie van cv Buulder Buk, bleef dae gevuul biezönder, maer
toch óch wel spannend. Zou dit wel iets zien vur ós? Hoe zôn de kids reageren?
Allemaol vraogen, maear veural nog steeds die kriebels in de boek van
enthousiasme en spanning. Zoe stön willie óch wel in ’t lèven, willie lèven maer
enne kier en dan moeten we er óch alles oêthaolen. Hoe moi is ‘t um er sâmen

mej ós gezin, familie en vrienden en iederieën die er dieël van oêt wil mâken ‘n
geweldig Carnavalsseizoen van te mâken. Laoten we now óch nêt dit jaor 11
jaor getrouwd zien en ‘t is 30 jaor gelejen dae ich Jeugdpreens was in Gâstel, ‘t
kan höst gen toeval zien. Dus er volgde ‘n volmondig “JAO” in juni, en wa
moeje dan vervolgens lang owwe moond deecht hawwen zeg…. Dae was
misschien nog wel ‘t zwaorste van alles, maer aon d’n ândere kânt óch wel êrg
biezönder en grappig um sâmen zoe’n geheim mej uch te drâgen. ‘t Leek wel ‘n
4 e zwangerschap, maer dan nêt iets langer….
Inens liekt óch alles over Carnaval te gaon en vur ow gevuul is iederieën er mej
bezig. Dan volgt er ‘n biezönder moi momeent um ow 2 bêste vrienden te
vraogen um ós Adjudanten te zien tijdens de Carnaval. Dees momeenten mej
Dennis & Ascha en Dennis Maas die direct volmóndig “JAO” zeeien, wâren vur
ós hieël speciaal. Dit team, mej de ervaring en gezelligheid van Prinses Nicky
en Preens Jeroen, Vorst Jack en Vorst Joost, de Raod van Elf en hun Dames en
de ex-Preensen en Prinsessen, makt ’t dae willie ontzettend veul zin hêmmen in
dit Carnavalsseizoen. Willie hopen er dan óch sâmen mej alle Carnavalsvierders
binnen de gemente Craonendoonck ‘n geweldig fest van te mâken, dit mej ozze
leus:
PROOST en löt hum smâken! Sâmen gôn willie er unne geweldige
Carnaval van mâken!

Onderscheiding
Resy en ich zien lid gewist van verschillende carnavalsgroepen en dao neffe hêb
ich diverse logo’s meugen ontwerpen. ‘t Welbekende pöpke, dae is eigenlijk
óch ‘t ieënige wa ich kan tèkenen, maer mej de Carnaval kumt ‘t goe van pas.
De volgende verieënigingen hêmmen ‘n plaekske gekregen in ós
onderscheiding umdae dees hêmmen biêgedrâgen aon de Carnavalsvierders die
willie now zien:
- cv de Plekkers
- cv de Jeugdbuk
- cv Onbesnut
- cv Nè Lullen
- cv de Flappies
- cv de Koekemarello’s